FOTO/ Jessica Alba zyrtarizon romancën me Danny Ramirez me një video romantike nga dasma e Taylor Swift!

Jessica Alba ishte mes të ftuarve VIP në dasmën madhështore të Taylor Swift dhe Travis Kelce, por ishte videoja romantike me partnerin e saj, aktorin Danny Ramirez, ajo që mori gjithë vëmendjen në rrjetet sociale.

Aktorja 45-vjeçare ndau në TikTok një video nga momentet e përgatitjeve për ceremoninë, duke u dhënë fansave një vështrim intim nga prapaskenat e mbrëmjes.Në pamje, Danny Ramirez shihet duke e përqafuar dhe përkëdhelur me dashuri Jessica-n, ndërsa ajo ende ishte me mantel, peshqir në kokë dhe maska relaksuese për sytë, shkruan DailyMail.

Videoja vijon më pas me transformimin e çiftit, teksa shfaqen të veshur me elegancë dhe gati për të marrë pjesë në një nga dasmat më të përfolura të vitit.

Për këtë mbrëmje speciale, Jessica zgjodhi një fustan elegant Prada në nuanca të zeza dhe ari, të cilin e kishte huazuar nga mikja e saj Kelly Sawyer. Pamjen e kompletoi me një bisht të lartë të lidhur me një fjongo të zezë dhe aksesorë minimalistë, ndërsa Danny Ramirez u paraqit me një smoking klasik të zi.

Në Instagram, aktorja e shoqëroi postimin me hitin “Love Story” të Taylor Swift dhe shkroi:

Ne e duam dashurinë. Urime T&T. Një natë kaq e bukur për t’ju festuar.
Jessica Alba konfirmoi ndarjen nga bashkëshorti i saj, Cash Warren, në janar të vitit 2025, pas shumë vitesh martesë. Vetëm disa muaj më vonë, ajo nisi një romancë me Danny Ramirez, ndërsa këtë vit vendosi ta bëjë publike lidhjen edhe në rrjetet sociale.

Aktorja, e cila është nënë e tre fëmijëve nga martesa me Warren, duket se po shijon një kapitull të ri në jetën e saj personale, ndërsa nuk heziton më ta ndajë lumturinë me ndjekësit.

jes

jessc