Eraldo Rexho, gazetari ku ‘falen’ vipat: U zura me motrën e Zajmina Vasjarit sepse...

Sot në studion e emisionit “ Jeto me Orën “ ishte i ftuar Eraldo Rexho, i cili është një ndër gazetarët më të besuar të Showbizit.

Por rrugëtimi i tij ka nisur vite më parë. Ishte vetëm 13 vjeç kur hyri në botën e televizionit. Fillimisht u angazhua me një emision për të rinjtë ku dhe i lindi edhe tërheqja për botën e spektaklit dhe personat publik.

Eraldo  rrëfeu se si e ka nisur rrugëtimin e tij në gazetari, ku u shpreh  se për rreth 2 vite ka  punuar si gazetar në gazetën e gjimnazit “Ismail Qemalit”  e cila quhej “Suplement”  dhe aty mori eksperiencat e parë si gazetar .

Sot Eraldo është  29 vjeç dhe mund të themi se ka arritur të jetë  një ndër gazetarët më të besuar të “show-biz”-it . Prej vitesh i angazhuar në median e shkruar , aktualisht drejtues i një prej revistave më të njohura në treg përsa i përket lajmeve të quajtura rozë. Përtej showbizit ai është angazhuar edhe si skenarist dhe bashkëautor në disa spektakle të organizuara në vend .

Persona të njohur në vend e kanë zgjedhur shpesh herë për të rrëfyer publikisht shumë detaje nga jeta e tyre.  Intervista e fundit që ai shfaqi ekskluzivisht ishte ajo me modelen e njohur Angela Martini.

Eraldo u shpreh se për shume vite e kanë quajtur  kisha ku “falen vipat”, sepse raporti i tij me vipat  është me tepër se profesional, ku mund të jetë shoku i tyre që i dëgjon në momentet e mira dhe të këqija.

Intervistat e tij të para kanë qenë të vështira për personazhet që dikur ka qenë sencacion si: Çiljeta, Ingridi, Zajmina , Insi , Noizy, dhe shumë të tjerë , por ai tregoi se në një nga moment e sikletshme të intervistës  ai debatoi me motrën e Zajmina Vasjarit, për titullin e  ndërruar nga Anila Basha.

Një moment tjetër që Rexho tregoi ka qenë intervista me Adi Krastën , një intervistë që nuk u botua pasi nuk kishte një dakordësi mbi temën.

Marëdhina e Rexhos me televizionin është shumë e ngushtë , ku u shpreh se të gjitha programet që ka punuar i ka dashur dhe i ka bëre me dëshire, gjithashtu ai tregoi se ka pasur gjithmonë marrëdhënie të mira në punë me kolegët.

Sekreti i Rexhos  në këtë punë u shpreh se është “ Ti dua njerëzit  ashtu siç ata janë , bashkë me të metat e tyre “ dhe  ta  duan kështu siç është bashkë me të metat e tij.

Rexho u shpreh për intervistat e tij  ekskluzive  ku veçojë disa prej tyre , intervista ekskluzive në shtëpinë e Blendi Fevziut  si dhe dalja ekskluzive e dy vajzave në  intervistat e tij , gjithashtu kujtoi intervistën me Inva Mulën dhe  takimin emocionuese dhe i vështire për të intervistuar Adelina Ismaili.

Rexho u surprizuar nga dy videomesazhe të 3 miqve të tij me të ngushtë dhe nga mësuesja kujdestare ku ai mbaruar gjimnazin “Rezarta “.

Ai u shpreh se janë njerëzit më të rëndësishëm të jetës së tij dhe që është i lumtur që i ka në krahë.