“Burrat me viagra nuk çmenden”/ Studimi që “po çmend” dynjanë: Vigrat mund të zvogëlojnë rrezikun e ...

Një studim i fundit tregon se burrat që marrin Viagra mund të zvogëlojnë rrezikun e Alzheimerit. Hulumtimi është kryer në 260 mijë burra dhe rezulton se kanë 18 për qind me pak gjasa të preken nga kjo sëmundje. Por shkencëtarët thonë se nevojitën më shumë studime.

Burrat që marrin ilaçe për mosfunksionim erektil, si Viagra,  kanë rrezik më të ulët për t’u prekur nga sëmundja e Alzheimerit, tregon një studim i publikuar së fundmi.

Shkencëtarët në hulumtim e tyre tek mbi 260,000 burra, dhe që merrnin ilaçe, kishin 18% më pak gjasa për të zhvilluar gjendjen që shkakton çmenduri.

Por nevojiten më shumë kërkime për të vërtetuar se ilaçet po shkaktojnë efektin. Dy ilaçe të reja të Alzheimerit kanë treguar premtime të mëdha në ngadalësimin e ritmit të sëmundjes në fazat e hershme të saj.

Duke sulmuar gungën e quajtur beta amiloide, e cila krijohet në trurin e njerëzve me Alzheimer, ata kanë potencialin të ndryshojnë mënyrën e trajtimit të sëmundjes.

Por shkencëtarët po vazhdojnë gjithashtu të kërkojnë ilaçe ekzistuese që mund të parandalojnë ose vonojnë zhvillimin e tij në radhë të parë.

Në studimin e ri, studiuesit shikuan të dhënat e mijëra burrave me disfunksion erektil, duke krahasuar ata që u ishin dhënë ilaçet me ata që nuk e kishin marrë.

Gjatë pesë viteve në vijim, ata gjetën 8.1 raste të Alzheimerit për 10,000 persona në grupin e përshkruar me ilaçe dhe 9.7 raste në grupin që nuk i merrte ato.

Meshkujt të cilëve u ishin lëshuar më shumë receta për ilaçe për mosfunksionimin erektil kishin më pak gjasa të zhvillonin Alzheimer, duke sugjeruar se përdorimi i rregullt i ilaçit mund të kishte një ndikim më të madh në sëmundje.

Studiuesit thonë se studimi i tyre nuk tregon se vetë ilaçet po ulnin rrezikun e njerëzve për Alzheimer, por mund të tregojnë për një rrugë të re kërkimi.

Studiuesit gjithashtu duan të bëjnë një provë si tek gratë ashtu edhe tek burrat, për të parë nëse ilaçi ka ndonjë ndikim. Ka shumë faktorë që mund të shkaktojnë sëmundjen.

Studimi rregulloi gjetjet e tij për disa prej tyre, duke përfshirë moshën, kushtet themelore shëndetësore, ilaçet e tjera të marra dhe nëse pjesëmarrësi ishte duhanpirës.