Rrëfimi i Eno Koços/ Jetim në moshën 6-vjeçare, u rrit mes artistësh

Në sallën e akademisë së shkencave Eno Koço ka rrëfyer jetën e tij.

I rritur jetim, pasi prindërit e lanë në moshën gjashtë vjeçare arriti të ngjitet në majat e muzikës, ndërsa sot 81 vjeçar qëndron mes Anglisë e Tiranës.

Dirigjenti Eno Koço këtë radhë në sallën e akademisë së shkencave nuk kishte muzikantët, por miq e akademik me të cilët ndau pjesë nga jeta e tij.

Djali i dy prindërve artistëve me famë botërore, u rrit jetim ndërsa falë miqve të tyre u rrit dhe u  zhvillua mes artistëve prej moshës 6 vjeçare.

‘’Prindërit kishin vdekur. Padyshim jetë e vështirë’’, tha Koço.

Copezat e kujtimeve në akademinë e shkencave i vendosi në tre faza.

U ndal te përvoja në bashkëpunimin me Ferdinand Dedën.

“Ne ishim dy dirigjentë atëherë, ishte Ferdi dhe unë në Radio që bënim edhe festivalet.

Ferdi ishte i natyrshmi, unë isha i panatyrshme. Sepse mua më tërhiqte edhe kjo pjesa klasike”, tha Koço.

Librat e tij i janë kushtuar muzikës shqiptare dhe te nënës Tefta Tashko Koço.

Kur i ka kaluar të tetëdhjetat, prej vitesh jeton mes Shqipërisë dhe Britanisë së Madhe.