Vdes nobelisti shqiptar Ferid Murati, shpikësi i viagrës

Ferid Murati, shkencëtari dhe mjeku shqiptar me prejardhje nga Maqedonia e Veriut, fitues i Çmimit Nobel, ka ndërruar jetë. Ndërsa ministri i Punëve të Jashtme i Maqedonisë së Veriut, Bujar Osmani, ka bërë këtë njoftim dhe ka shprehur ngushëllimet për familjen e tij.

Ai ka jetuar dhe vepruar në SHBA ndërsa ka ligjeruar në universitetet më eminente të Amerikës dhe jo vetëm. Murati ishte mjek-farmakolog dhe studiues shqiptaro-amerikan i mjekësisë, dhe një nga shpikësit e medikamentit “viagra”. Për këtë arsye ai fitoi edhe Çmimin Nobel për Mjekësi në vitin 1998.

Ferid Murati lindi më 14 shtator të vitit 1936 në Whiting, Indiana, ShBA, është studjues shqiptaro-amerikan i mjekësisë, fitues i Çmimit Nobel për mjekësi në vitin 1998.

Babai i tij, Xhabir Murat Ejupi, ka lindur në Shqipëri në 1892 dhe ishte më i madhi prej katër fëmijëve.

Nëna e tij vdiq kur ai ishte 13 vjeç. Ai dhe familja e tij ishin barinj. Në moshë të re ai iku nga shtëpia për të shitur ëmbëlsira në vendet e Ballkanit.

Megjithëse kishte më pak se një vit arsim, ai mësoi të flasë shtatë gjuhë para se të vdiste në 1976, në moshën 84 vjeç. Ai u takua me një grup të rinjsh të tjerë në Austri dhe sëbashku emigruan në Shtetet e Bashkuara.

Një oficer emigracioni në Ellis Island, në gusht të vitit 1913, i kërkoi emrin e tij, dhe pas kësaj oficeri i deklaroi atij që do të jetonte me emrin John Murad dhe kështu vulosi dokumentat e tij.

Nëna e Ferid Muratit, Henrietta Josephine Bowman, u lind në vitin 1918 në Alton, Illinois dhe ishte e treta nga gjashtë fëmijët e mbijetuar të Elizabeth Lillian dhe Andrea Orvie Bowman.

Që në moshën 12 Murati kishte dëshirë të bëhej mjek. Prindërit e tij gjithmonë e inkurajonin për t'u arsimuar dhe të kishin një profesion.

Megjithatë, ai dhe vëllezërit u rritën me lirinë për të shpenzuar dhe kursyer paratë nga puna në restorant apo për të zgjedhur karrierën.