Menaxhimi i Butrintit, Ceka: Kështu Shqipëria humb, çdo Margariti pjesë e Bordit, pse nuk ka arkeolog?

I ftuar në “Ora e Betit” nga Beti Njuma në RTV Ora, historiani Neritan Ceka u shpreh se në formën që po bëhet menaxhimi i Butrintit vendi ynë humbet.

Ai tha se në bordin e përfolur duhet së paku të ishte një arkeolog dhe një kurator, ndërsa shtoi se kuvendi nuk mund t’i shkojnë emra të gatshëm, por duhet me konkurs.

Ceka: Në formën që është Shqipëria është e humbur. Ne kemi të përfaqësuar atje Elva Margaritin jo si ministre. Edhe kur të ikë si ministre ajo do të mbetet pjesë e bordit. Në konflikt me këtë ka një fjali që e heq ministrja nga borde. Ç’duan dy vetë nga AADF dhe ministrja në atë bord, çfarë do Richard Hodges aty?

Aty duhet të jetë një arkeolog dhe një kurator. Po ashtu duhet të jetë me konkurs dhe nuk mund t’i çosh parlamentit emra. Është e ndaluar kjo gjë sepse parlamenti ka rregulla të veta, ku do t’i votojë një nga një jo në grup.