"Belfast" Filmi kandidat për Oscar që pritet të vendosë rekorde të reja në Hollywood

Regjisori britanik Kenneth Branagh prezantoi në Los Angeles filmin e tij të fundit, të titulluar "Belfast", kandidat për çmimet Oskar 2021. "Belfast" i gjinisë dramë-komedi është shkruar nga vetë Branagh, i cili e përshkoi si filmin e tij më personal". Ngjarjet përqendrohen në fëmijërinë e një djali të ri në mes të trazirave të Belfast-it, Irlanda e Veriut, në vitet 1960.

“Bllokimi që sapo kaluam më ktheu në izolimin që përjetova në vitin 1969. Doja të flisja me atë djalin 9-vjeçar dhe të zbuloja se çfarë po bënin ai dhe prindërit e tij kur u përballën me gjithë ato sakrifica , dhe atë ndryshim të madh shqetësues që ne të gjithë kemi përjetuar", tha regjisori Kenneth Branagh.

Duke shpjeguar komedinë, regjisori thotë se humori ishte një pjesë kaq e vlefshme dhe thelbësore e mënyrës sesi njerëzit përballeshin me situata të vështira.

Pra, duke u përpjekur për të gjetur të qeshurën dhe familjen në zemër të gjithçkaje që ishte vërtet vendimtare dhe kritike. Sa i përket zgjedhjes së xhirimeve bardh e zi, ai sqaroi se donte t’i jepte rrëfimit përmasa poetike.

“Është një pamje mjekoligjore, është një pamje e bukur, është një pamje prej kadifeje, e mëndafshtë, që mendoj se i jep një dimension poetik gjërave që përndryshe mund të duken paksa banale”.

Në film interpretojnë Caitríona Balfe, Judi Dench, Jamie Dornan, Ciarán Hinds, Colin Morgan dhe e sapoardhura Jude Hill.  “Belfast” është shpallur fitues për përzgjedhjen e kastit në Festivalin Ndërkombëtar të Filmit në Toronto 2021. Filmi është planifikuar të dalë në kinema në Shtetet e Bashkuara dhe Mbretërinë e Bashkuar më 12 nëntor 2021./Ora News/