Frikë te Lazio, vetëm 12 futbollistë dalin në stërvitje. Mungon edhe Strakosha

Frikë te Lazio, vetëm 12 futbollistë dalin në

Një ditë para ndeshjes në Champions League kundër Clube Brugge, Covid-19 frikëson skuadrën e Lazios.

Mëngjesin e sotëm, vetëm 12 lojtarë nga ekipi i parë dolën në fushë për stërvitjen e radhës.

Ndërkohë, Luis Alberto, Immobile, Pereira, Leiva, Lazzari, Cataldi, Luiz Felipe, Djavan Anderson, Strakosha, Armini, si dhe Escalante (mungesa e tij është e sigurt për shkak dëmtimit), nuk u panë në fushë.

Klubi bardhekaltër nuk ka dalë me një qëndrim zyrtar për të shpjeguar mungesën e tyre, nuk ka asnjë buletin mjekësor, por frika është për rezultatet e tamponëve për COVID-19, me rezultatet që do të dalin në orët në vazhdim .

Simone Inzaghi u detyrua të grumbullonte disa lojtarë nga 19-vjeçarët për të plotësuar grupin. Kështu që Furlanetto, Franco, Pica, Bertini dhe Czyz u bashkuan me “të mbijetuarit” e paktë të ekipit të parë.

Formacioni që pritet të luajë nesër në Belgjikë është ky:

Reina në portë, Patric, Hoedt dhe Acerbi në mbrojtje, Marusic, Akpa Akpro, Parolo, Milinkovic dhe Fares në mesfushë dhe dyshja Correa-Caicedo në sulm.

Këmbana e alarmit ra dje kur, mungesave të Leivas dhe Luiz Felipes, iu shtua padisponueshmëria (e papërcaktuar) e Thomas Strakoshës, Arminit dhe Cataldi.

Sport Lajme lazio Covid-19 Futboll chaampions league thomas strakosha

EMISIONET