Video tronditëse/ Burri hidhet në shina pak momente para mbërritjes së trenit, shpëton për mrekulli

Një drejtues i metrosë në Moskë është ballafaquar me një momente tejet të vështirë gjatë orarit të punës, ndërsa një burrë iu 'hodh' papritmas para trenit në stacionin "Parku Filiovsky" .

Për fat të mirë drejtuesi i mjetit u tregua i shpejt, ndaloi menjëherë  dhe burri shpëtoi për mrekulli.

Në videon e shpërndarë në rrjetet sociale, e cila po bën xhiron e rrjetit, duket  burri që hidhet para trenit.

Falë shpejtësisë së ulët trenit dhe reflekseve të shpejta të shoferit, i cili shtypi frenën e urgjencës menjëherë pas 'hedgjes', burri nuk u plagos rëndë. Megjithatë, sipas Russia Today, nuk përjashtohet që burri të përballet me pasoja ligjore për veprën e tij.

Në një deklaratë të lëshuar nga shërbimi i metrosë pas incidentit, dhe botuar nga agjencia RIA , "stafi i metrosë e ngriti burrin e rënë nga shinat menjëherë pas incidentit".

Sipas RT, megjithëse nuk është ende e qartë se çfarë ka ndodhur, dyshohet se i riu mund të jetë hedhur qëllimisht para trenit.