"Ukraina do luftojë më e fortë se kushdo", Zelensky flet nga bunkeri: Nuk mund ta bëjmë vetëm

Presidenti i Ukrainës, Volodymyr Zelensky ka folur për mediet perëndimore nga një bunker sekret në Kiev, duke thënë se "Ukraina do të luftojë më e fortë se kushdo tjetër", por nuk mund ta menaxhojë luftën kundër Rusisë vetë.

Presidenti ukrainas, i cili është shfaqur si një figurë heroike në mbrojtjen e vendit të tij përballë agresionit rus, i tha CNN dhe Reuters se bisedimet për armëpushimin mund të jenë serioze vetëm nëse luftimet ndalojnë së pari.

"Nëse ju e bëni këtë, dhe të dyja palët e bëjnë këtë, do të thotë se ata [Rusia] janë gati për paqe," tha ai.

"Nëse ata nuk janë gati do të thotë se thjesht po humbasim kohë."

"Ne do të shohim nëse ata janë gati," tha ai, shkruan BBC.

Zelensky, i cili foli me presidentin amerikan Joe Biden gjatë orëve të fundit,  tha se donte që lideri amerikan të trajtonte situatën në Ukrainë në fjalimin e tij sindikal sonte, sipas CNN.