U përplasën me makinë në Tajlandë, humb jetën 78 vjeçari britanik dhe i dashuri i tij 27 vjeç

Një pensionist britanik dhe partneri i tij kanë humbur jetën në një aksident automobilistik në Tajlandë.

Keith Miles, 78 vjeç, nga Nuneaton, Warwickshire, po udhëtonte me një Toyota Yaris të bardhë me të dashurin e tij Taëid Kanadee, 27 vjeç, kur automjeti u përplas me një kamion në veri-lindje të vendit.

Para kësaj, pamjet nga kamerat e sigurisë tregojnë se shoferi, Kanadee kishte ngadalësuar shpejtësinë për t'u kthyer djathtas në një rrugë anësore përpara se të përplaseshin nga pas nga një Honda CRV argjendi.

Përplasja më pas i shtyu Miles dhe Kanadee drejt e në rrugën e një kamioni të zi që po afrohej.

Kamioni u përplas me Toyota-n dhe i moshuari – i cili ishte ulur në sediljen e pasagjerit në pjesën e përparme majtas, e cila pati pjesën më të madhe të përplasjes vdiq në vendngjarje.

Mjekët e ndihmës e dërguan me urgjencë Kanadee në spital ku më vonë vdiq nga plagët e marra në aksident.

Oficerët tani po hetojnë përplasjen ndërsa miqtë e shokuar i bënë homazhe Miles, i cili kishte punuar si mësues shkolle në veri-lindje të vendit pasi u largua nga Anglia disa vite më parë.

Thong Supachai, një mik i çiftit, tha: "Keith ishte i dashur nga të gjithë. Ai ishte shumë argëtues dhe ishte gjithmonë i lumtur dhe i bënte njerëzit të qeshin.

Ai ishte gjithashtu shumë i kujdesshëm dhe i ndihmonte shumë fëmijët në shkollë. I pëlqente t'i mësonte dhe atyre u pëlqente, sepse ishte qesharak. Unë jam shumë i trishtuar.

rejhnjpg

rjnjjpg