Trump i quan mediet amerikane kritike ndaj tij ‘të paligjshme’ dhe ‘të korruptuara’

Presidenti i SHBA-së Donald Trump e përshkroi dje mbulimin kritik të tij nga mediet kryesore amerikane si “të paligjshme” gjatë një fjalimi në Departamentin e Drejtësisë, në Uashington.

Ai shtoi se stacionet televizive si CNN ose MSNBC – që fjalë për fjalë shkruanin 97,6% keq për të, ishin mbështetës politikë të Partisë Demokratike dhe sipas tij, ata ishin vërtet të korruptuar dhe të paligjshëm, pasi ajo që bënin ishte e paligjshme.

Ai iu referua MSNBC si MSDNC, Komitetit Kombëtar Demokratik, bordit drejtues të partisë, duke pretenduar se rrjeti ishte pjesë e partisë – gjë që nuk është.

Trump kritikoi rrjetet dhe gazetat se nuk ndryshonin nga aktorët politikë shumë të paguar, duke thënë se raportimi i tyre kritik ndaj tij ishte i koordinuar mes tyre. Ai argumentoi se kjo duhej të ishte e paligjshme pasi ndikonte te gjyqtarët.

Për vite të tëra, Trump i referohej rregullisht mediave të vendosura si armiq të popullit, duke akuzuar gazetarët për përhapjen e gënjeshtrave dhe kërcënimin për heqjen e licensave të kanaleve të pafavorshme.

Që nga marrja e detyrës, Trump ka anuluar aksesin në zyrën presidenciale dhe aeroplanin për gazetarët e agjencisë amerikane të lajmeve AP.

Arsyeja e dhënë ishte se AP kishte refuzuar të përdorte termin “Gjiri i Amerikës”, të cilin Trump e kishte futur me dekret për Gjirin e Meksikës.

Shtëpia e Bardhë theu gjithashtu traditën e dekadave duke hequr autoritetin e shoqatës së pavarur të gazetarëve të korrespondentëve të akredituar të Shtëpisë së Bardhë – për të përcaktuar përbërjen e grupit të korrespondentëve që shoqëron presidentin.

Në të njëjtën kohë, që nga marrja e detyrës, Trump u ka dhënë akses në Shtëpinë e Bardhë shumë mediave të krahut të djathtë, influencuesve, blogerëve dhe podkasterëve. Shtëpia e Bardhë i referohet këtyre si “media të reja”.