Trenat futen në grevë në Londër, ankohen punonjësit e seksit: Po humbasim para, se nuk ka klientelë

Vala masive e grevave të vitit të kaluar nuk tregon asnjë shenjë lëshimi, ku priten greva nga drejtuesit e trenave dhe autobusëve të planifikuar në janar.

Kate Nicholls, shefja ekzekutive e UK Hospitality, u ka lutur drejtuesve të sindikatave që të mblidhen dhe të zgjidhin mosmarrëveshjet e tyre mbi frikën se bizneset e “kohës së lirë” mund të humbin pjesën më të mirë të të ardhurave të javës.

Por ka një tjetër viktimë të fshehur të përshkallëzimit të grindjeve industriale: punonjëset e seksit në Londër.

Ema nga agjencia e shoqërimit London Deluxe i tha Daily Star se kompania e saj kishte humbur mbi 20,000 £ në javë si rezultat i grevave, ndërsa në agjencitë e tjera kishin humbur deri në 70,000 £.

"Vajzat e mia kanë fatura për të paguar. Ato nuk po bëjnë asnjë para. Kurrë nuk ka qenë kështu më parë. Unë vazhdoj t'u them atyre se do të rritet, por ka një ndikim masiv tek ne kjo grevë.”

"Nga diskutimet me klientët tanë, ne e dimë se shumë njerëz në industrinë e eskortës kanë humbur shuma të mëdha parash nga grevat e trenave sepse biznesmenët nuk janë në gjendje të hyjnë dhe të dalin në qytet." – tha një tjetër punonjëse agjencie.

Paul Nowak, sekretari i përgjithshëm i TUC, ka paralajmëruar për një "valë të vazhdueshme" grevash përgjatë vitit 2023, nëse punëdhënësit nuk bëjnë lëshime të rëndësishme.

Duke folur për Times Radio, Kate Nicholls tha se goditja financiare për industritë e seksit mund të jetë mbi gjysmë miliardë paund.