Tragjedi në Peru/ Dy aksidente me autobus brenda ditës, 13 persona të vdekur dhe 60 të plagosur

Të paktën 13 persona kanë vdekur dhe më shumë se 60 të tjerë janë plagosur në dy aksidente me autobusë në Perunë jugore. Aksidenti më vdekjeprurës ndodhi në rajonin Puno, ku një autobus doli nga rruga dhe ra në një përrua.

Dhjetë persona u vranë dhe 38 të tjerë u plagosën, sipas një bilanci të përkohshëm nga autoritetet shëndetësore në provincën e Sandias, rreth 1,500 kilometra në juglindje të kryeqytetit Lima.

Në një aksident të ngjashëm me autobus, këtë herë në rajonin e Cuscos, të paktën tre persona u vranë dhe rreth 30 u plagosën, sipas departamentit lokal të policisë. Autoritetet po hetojnë shkaqet e dy aksidenteve.

Aksidentet rrugore janë të zakonshme në Peru dhe i atribuohen kryesisht shpejtësisë së tepërt, gjendjes së keqe të pjesëve të rrjetit rrugor, mungesës së sinjalistikës dhe pandëshkueshmërisë së shkelësve të kodit të trafikut. Sipas të dhënave nga policia peruane, 3,173 jetë njerëzore u humbën në rrugët e vendit në vitin 2024.