Temperatura deri në 48 gradë/ Europa po digjet, shtëpitë e "yjeve" në Portugali në flakë (VIDEO)

Zjarret vazhdojnë të shpërthejnë Evropën mes një vale 'mbytëse' të të nxehtit me temperatura që tashmë janë rritur mbi 40 gradë dhe pritet të rriten edhe më tej.

KETU LAJMET MINUTE PAS MINUTE

Portugalia është goditur nga një seri zjarresh në lagjen Quinta do Lago ku pronat shiten nga 1 milion deri në 9.5 milion £, shtëpia e yjeve si Roman Abramovich, Duncan Bannatyne, John Terry dhe Steven Gerrard.

Pamjet tregojnë flakët që shpërthejnë nëpër resortin luksoz, duke shkatërruar fusha golfi ndërsa turistët e panikosur përpiqeshin të iknin me makinat e tyre.

Nxehtësia e madhe ka shkaktuar zjarre dhe në Spanjë, Francë, Turqi dhe Kroaci, ndërsa Evropa vazhdon të vuajë nën valën e të nxehtit.

Agjencia shtetërore meteorologjike e Spanjës AEMET tha se ata presin që sot të jetë dita më e nxehtë deri më tani e valës së të nxehtit, pavarësisht se një termometër jozyrtar i rrugës në Sevilje regjistroi një temperaturë marramendëse prej 48 gradësh.

Ekspertët thonë se qyteti do të shohë kulmin zyrtar prej 46 gradë sot, ndërsa zjarrfikësit vazhdojnë të merren me flakët që kanë shkatërruar të paktën 3,500 hektarë në Extremadura.

Pjesa më e madhe e Spanjës u vendos në gatishmëri të lartë të mërkurën dhe AEMET tha se disa rajone po 'mbyten' - veçanërisht në Andaluzinë e prekur më keq në jug, Extremadura në jugperëndim dhe Galicia në veriperëndim.

11jpg

22jpg

66jpg

77jpg

88jpg