Shefi i “Centcom” në Lindjen e Mesme: Nuk do të ketë vendosje të trupave amerikane në Gaza!

Kreu i ri i komandës ushtarake amerikane për Lindjen e Mesme (Centcom), Brad Cooper, njoftoi sot se shkoi në Gaza për të diskutuar “stabilizimin” e situatës, duke siguruar se asnjë ushtar amerikan nuk do të vendoset në enklavën palestineze.

Admirali Brad Cooper sqaroi për X se po kthehet nga një vizitë në Gaza për të diskutuar krijimin e një “qendre koordinimi politiko-ushtarak” nën komandën e “Centcom”, e cila “do të kontribuojë në stabilizimin” e situatës.

Një grup fillestar prej 200 ushtarësh amerikanë pritet të udhëtojë për në Izrael për të ndihmuar në monitorimin e një armëpushimi në Gaza midis Hamasit dhe Izraelit, si pjesë e planit të paqes të Presidentit Donald Trump.

“Bijtë dhe bijat e uniformuara të Amerikës po i përgjigjen thirrjes për të konsoliduar paqen në Lindjen e Mesme, në mbështetje të direktivave të kryetarit të Shefave të Përbashkët të Shtabit në këtë moment historik”, shkroi Brad Cooper, i cili mori detyrën si komandant i “Centcom” në gusht.

Gjithashtu komunikimi është bërë me një e-mail drejtuar. “Kjo përpjekje e madhe do të kryhet pa praninë e trupave në Gaza”, theksoi ai.