Putin dërgon fregatën e armatosur me raketa hipersonike në Oqeanin Atlantik

Putin ka dërguar sot një fregatë në Oqeanin Atlantik të armatosur me raketa hipersonike Zircon.

Në një video-konferencë me ministrin e Mbrojtjes Sergei Shoigu dhe Igor Krokhmal, komandant i fregatës me emrin "Admirali i Flotës së Bashkimit Sovjetik Gorshkov", Putin tha se anija ishte e armatosur me armë hipersonike Zircon.

“Kësaj radhe anija është e pajisur me sistemin më të fundit të raketave hipersonike – “Zircon” – i cili nuk ka analogë”, tha Putin. "Ky është një sistem hipersonik i bazuar në det." – shtoi ai.

Anijet nuk po shkojnë për në Ukrainë. Shoigu tha se Gorshkov do të lundronte në oqeanin Atlantik dhe Indian dhe në Detin Mesdhe.

Ndërkohë, duke folur në një fjalim-video të martën, Presidenti Zelensky rishikoi paralajmërimet e tij se Rusia do të nisë një ofensivë të madhe.

“Ne nuk kemi asnjë dyshim se liderat aktualë të Rusisë do të hedhin gjithçka që u ka mbetur dhe këdo që mund të grumbullojnë në përpjekje për të rikthyer valën e luftës dhe të vonojnë humbjen e tyre. Ne duhet ta prishim këtë skenar rus. Ne po përgatitemi për këtë. Terroristët duhet të humbasin. Çdo përpjekje për ofensivën e tyre të re duhet të dështojë.” – tha Zelensky.