Presidenti i Ukrainës, Zelensky viziton Suedinë për herë të parë që nga pushtimi i Rusisë

Volodymyr Zelenskyy ka mbërritur në Suedi për bisedime me kryeministrin e vendit, familjen mbretërore dhe zyrtarë të tjerë. 

Presidentin ukrainas në këtë vizitë e shoqëron bashkëshortja e tij Olena dhe planifikon të diskutojë "partneritetin, bashkëpunimin në mbrojtje, integrimet në BE dhe sigurinë e përbashkët euroatlantike" me zyrtarët. 

Ky shënon udhëtimin e tij të parë në Suedi që kur Rusia nisi pushtimin e saj. 

“Detyra jonë kryesore është forcimi i luftëtarëve ukrainas në tokë dhe në qiell, zhvillimi i bashkëpunimit dypalësh, veçanërisht në industrinë e mbrojtjes, integrimin evropian të Ukrainës dhe sigurinë e përbashkët në hapësirën euroatlantike'' shkroi ai në Telegram .

“Unë do të doja të falënderoja personalisht Suedinë për mbështetjen e luftës sonë për liri dhe pavarësi”, shtoi ai.

Takimi i tij vjen pasi SHBA nënshkroi dje dërgimin e avionëve luftarakë modernë F-16 në Ukrainë nga Danimarka dhe Holanda. 

Uashingtoni tha se do të përshpejtojë miratimin e kërkesave për transferimin e avionëve kur pilotët të trajnohen - një proces që mund të zgjasë muaj.