Partizani i Gegës tregon ‘dhëmbët’, triumfon 3-0 ndaj Rabotnickit në prag të Europës

Në një mbrëmje premtuese për tifozët e “Demave”, Partizani ka shënuar fitore të pastër me 3-0 ndaj ekipit maqedonas të Rabotnickit në stadiumin e Strugës, duke konfirmuar formën e mirë në prag të sezonit europian.

Ndeshja u vendos në pjesën e parë, ku Partizani mori kontrollin e plotë të lojës dhe mbylli 45 minutat e para me një avantazh të dyfishtë.

Keko hapi serinë e golave në minutën e 20-të nga penalltia, ndërsa Skuka, një tjetër përforcim i verës, dyfishoi shifrat, duke treguar se afrimet e reja janë gati për sfidat e mëdha.

Në minutat finale, në minutën e 87-të, debutuesi Martinez vulosi fitoren me golin e tij të parë për Partizanin, duke dhënë sinjal se do të jetë një pjesë e rëndësishme e ekipit, edhe në ndeshjet zyrtare që vijnë.

Ky sukses shërben si nxitje dhe paralajmërim para sfidave europiane ku Partizani do të përballet me Kalju, kampionët e Estonisë, në kërkim të një paraqitjeje të denjë në arenën ndërkombëtare.

Formacioni i përdorur nga trajneri Gega ishte:

Qirko; Buxhelaj, Mehmeti, Preka, Martinez, Malaj, Sembene, Kote, Isgandarli, Keko, Skuka.

Partizani po ngre ritmin dhe motivimin, duke treguar se është gati për të luftuar për sukses në Europë!