Paraardhësi i mumifikuar i Boris Johnson nuk vdiq nga sifilizi

Një paraardhës i mumifikuar i Boris Johnson nuk vdiq nga sifilizi, kanë zbuluar shkencëtarët e tronditur – dhe fajtori i vërtetë është diçka që nuk e kemi parë kurrë më parë. 

E quajtur "Mumja më e famshme e Zvicrës", kufoma u bë kryefjalë në vitin 2018 kur u identifikua si Anna Catharina Bischoff, stërgjyshja e gjashtë e Johnson. 

Mbetjet e saj, të cilat u gjetën në vitin 1975, përmbanin nivele të larta të merkurit – historikisht, një trajtim për sifilizin – kështu që supozohej se sëmundja e kishte vrarë atë. 

Por tani një analizë e mikrobeve në organet e saj të mumifikuara nuk ka zbuluar sifiliz, por nivele të larta të një bakteri të panjohur më parë për shkencën.

Mikrobiologu Mohamed Sarhan nga Eurac Research tha: “Supozimi fillestar bazohej në praninë e merkurit në trupin e saj, veçanërisht në mushkëri. 

“Kjo mund të tregojë trajtim inhalator për sifilizin, pasi ky ishte protokolli i ndjekur në atë kohë."

Prandaj, ne analizuam shumë mostra nga çdo organ në trupin e saj për të parë nëse mund të gjejmë ndonjë gjurmë të ADN-së të patogjenit që shkakton sifilizin, por nuk ia dolëm. 

"Në vend të kësaj, ne gjetëm këtë bakter të ri që ishte shumë i bollshëm në indet e trurit dhe lidhej me përqendrimin më të lartë të merkurit në tru." 

Pra, ajo mund të jetë diagnostikuar gabimisht me infeksionin seksualisht të transmetueshëm, kur shkaku i vërtetë i sëmundjes së saj ishte diçka e panjohur./Deily Mail/