Nga se vdiq Bethoven? Studimi i tufës së flokëve të kompozitorit do të hedhë dritë

Një ekip ndërkombëtar shkencëtarësh ka deshifruar për herë të parë gjenomin e Ludwig van Beethoven nga tufat e flokëve të kompozitorit të madh. 

Beethoven ishte i predispozuar për sëmundje të mëlçisë dhe ishte i infektuar me hepatit B , i cili, i kombinuar me konsumimin e alkoolit, mund të ketë çuar në vdekjen e tij.

Ekipi hulumtues përfshinte Universitetin e Kembrixhit, Qendrën Beethoven të Universitetit të San Jose, Shoqërinë Amerikane të Beethovenit, Universitetin Katolik të Leuvenit, Spitalin Universitar të Bonit, Universitetin e Bonit, kompaninë e testimit gjenetik "FamilyTreeDNA", Muzeu i Beethoven në Bon dhe Instituti Max Planck për Antropologjinë Evolucionare.

Shëndeti i kompozitorit të madh dhe shkaku i vdekjes janë diskutuar gjatë, por pa kërkime gjenetike. 

Për hulumtimin aktual, të botuar në revistën "Current Biology", janë studiuar pesë tufa flokësh, të gjitha nga shtatë vitet e fundit të jetës së Beethoven , të cilat, sipas studiuesve, janë "pothuajse me siguri autentike". 

Në total, ekipi kreu teste të vërtetimit në tetë mostra flokësh të marra nga koleksionet publike dhe private në Evropë dhe SHBA. 

Nëpërmjet këtyre testeve studiuesit zbuluan se të paktën dy nga tufat nuk vinin nga Bethoven, duke përfshirë një tufë të famshme që dikur besohej se ishte prerë nga koka e kompozitorit të ndjerë nga muzikanti 15-vjeçar Ferdinand Hiller.

Analizat e mëparshme të tufës 'Hiller' kishin mbështetur hipotezën se Beethoven ishte helmuar nga plumbi, por tani është përcaktuar se tufa i përkiste një gruaje.

Pesë mostra u identifikuan si autentike. Prej tyre, tufa 'Stumpff', nga koleksioni i Kevin Brown, një anëtar i Shoqatës Amerikane të Beethoven, doli si ekzemplari më i ruajtur me lidhjen më të fortë midis ADN-së së nxjerrë nga kjo tufë dhe njerëzve që jetojnë në North Rhine-in e sotëm.

Qëllimi kryesor i studimit ishte të hidhte dritë mbi problemet shëndetësore të Beethoven , duke përfshirë humbjen progresive të dëgjimit.

Ekipi hetoi gjithashtu shkaqet e mundshme gjenetike të problemeve kronike gastrointestinale të Beethoven dhe një sëmundje të rëndë të mëlçisë që kulmoi me vdekjen e tij në 1827. Cirroza është konsideruar prej kohësh shkaku më i mundshëm i vdekjes së tij në moshën 56-vjeçare.