Nëna nga Afrika e Jugut dënohet me burgim të përjetshëm pasi sh*ti vajzën për 1,100 dollarë

Një nënë nga Afrika e Jugut dhe dy bashkëpunëtorë të saj u dënuan me burgim të përjetshëm të enjten për trafikimin e vajzës së saj atëherë 6-vjeçare, një rast që ka tronditur të gjithë vendin që nga zhdukja e fëmijës vitin e kaluar.

Kelly Smith, partneri i saj Jaquen Appolis dhe miku i tyre Steven Van Ryn u dënuan për rrëmbim dhe trafikim të vogëlushes Jocelyn Smith pasi ajo u zhduk nga një qytet i vogël në Bregun Perëndimor.

Në një gjyq që ka tronditur Afrikën e Jugut, një dëshmitare tha se Kelly Smith i kishte thënë se ia kishte shitur vajzën e saj një sangoma-je, ose shëruesi tradicional, për 20,000 rand (1,100 dollarë) dhe se vajza kërkohej për "sytë dhe lëkurën " e saj. Pavarësisht një hetimi të gjerë dhe përpjekjeve të policisë, Jocelyn Smith mbetet e zhdukur.

Pasi u shpallën dënimet të enjten, gjyqtari i Gjykatës së Lartë, Nathan Erasmus, tha se fakti që Kelly Smith, Jaquen Appolis dhe Steven Van Ryn ishin përdorues droge nuk ishte justifikim.

"Nuk mund të gjej asgjë që do t’i justifikonte dhe do t’i bënte të meritonin një ndëshkim më të lehtë se më i rëndi që mund të jap", deklaroi Erasmusi.