Në Indi po përdoret jashtëqitja e lopëve me besimin se do të largojë Covid-19, mjekët kundër

Në Indi po përdoret jashtëqitja e lopëve me besimin se do

Mjekët në Indi po paralajmërojnë kundër praktikës së përdorimit të jashtëqitjes së lopës me besimin se do të largojë Covid-19, duke thënë se nuk ka prova shkencore për efektivitetin e saj dhe se rrezikon përhapjen e sëmundjeve të tjera.

Pandemia e koronavirusit ka shkatërruar Indinë, me 22,66 milion raste dhe 246,116 vdekje të raportuara deri më tani.

Ekspertët thonë se numri aktual mund të jetë 5 deri në 10 herë më i lartë dhe qytetarët në të gjithë vendin po përpiqen të gjejnë shtretër spitali, oksigjen ose ilaçe, duke lënë shumë të vdesin për mungesë të trajtimit.

Në shtetin Gujarat në Indinë perëndimore, disa besimtarë kanë shkuar në strehimoret e lopëve një herë në javë për të mbuluar trupat e tyre me jashtëqitje me shpresën se kjo do të rrisë imunitetin e tyre kundër koronavirusit ose për t'i ndihmuar ata të shërohen.

Në Hinduizëm, lopa është një simbol i shenjtë i jetës dhe tokës, dhe për shekuj me radhë Hindusët kanë përdorur jashtëqitje për të pastruar shtëpitë e tyre dhe për ritualet e lutjes, duke besuar se ajo ka veti terapeutike dhe antiseptike.

"Ne e shohim, edhe mjekët vijnë këtu. Besimi i tyre është se kjo terapi përmirëson imunitetin e tyre dhe ata mund të shkojnë dhe t'u drejtohen pacientëve pa frikë," tha Gautam Manilal Borisa, një menaxher i asociuar në një kompani farmaceutike, i cili tha se praktika e ndihmoi atë të rikuperohej nga CovidD-19 vitin e kaluar.

Ndërsa pjesëmarrësit presin që jashtëqitja në trupin e tyre të thahet, ata përqafojnë ose nderojnë lopët dhe praktikojnë yoga për të rritur nivelet e energjisë.

Mjekët dhe shkencëtarët në Indi dhe në të gjithë botën kanë paralajmëruar vazhdimisht kundër praktikimit të trajtimeve alternative për Covid-19, duke thënë se ato mund të çojnë në një ndjenjë false të sigurisë dhe të komplikojnë problemet shëndetësore.

"Nuk ka asnjë provë konkrete shkencore që jashtëqitja e lopës funksionon për të rritur imunitetin kundër Covid-19, ajo bazohet tërësisht në besim," tha Dr JA Jayalal, president kombëtar në Shoqatën Mjekësore Indiane.

"Ekzistojnë gjithashtu rreziqe shëndetësore të përfshira në njollosjen ose konsumimin e këtyre produkteve - sëmundje të tjera mund të përhapen nga kafsha te njerëzit."

Ekzistojnë gjithashtu shqetësime se praktika mund të kontribuojë në përhapjen e virusit pasi  njerëzit mblidhen në grupe. Madhucharan Das, përgjegjës i një strehe tjetër për lopët në Ahmedabad, tha se ata po kufizonin numrin e pjesëmarrësve, raporton Reuters.

 

EMISIONET