Larvat dhe insektet do të hidhen si ushqimi më i ri në treg në BE që nga 26 janari

Larvat e ngrira, pasta, të thara dhe pluhur të krimbit më të vogël të miellit (Alphitobus diaperinus) mund të tregtohen në BE si një ushqim i ri nga 26 janari.

Ky është efekti i një rregulloreje të propozuar nga Komisioni Evropian dhe miratuar nga Shtetet Anëtare, të publikuar më 5 janar.

Së bashku me larvat e krimbit më të vogël të miellit, katër insekte dhe derivatet e tyre kanë marrë dritën jeshile si ushqim i ri nga Bashkimi Evropian pas krimbave të verdhë të miellit, karkalecave dhe kriketave.

Ndërkohë tetë aplikacione të tjera janë në listën e pritjes. Komisioni i BE-së ka autorizuar kompaninë Ynsect NL BV për të vendosur këto larva në tregun evropian.

Në të gjitha rastet e listuara, rregullat e BE-së përfshijnë kërkesa specifike etiketimi në lidhje me alergjenitetin pasi proteinat e insekteve mund të shkaktojnë reaksione veçanërisht në subjektet tashmë alergjikë ndaj krustaceve, marimangave të pluhurit dhe, në disa raste, molusqeve.

Me gjithë protestat e shumë njerëzve, Brukseli i sheh insektet dhe proteinat alternative në përgjithësi, si një përgjigje ndaj rritjes së kostos së proteinave shtazore, ndikimit të tyre mjedisor, pasigurisë ushqimore, rritjes së popullsisë dhe kërkesës përkatëse në rritje për proteina në mesin e klasave të mesme.

“Bujqësia e insekteve” mund të ndihmojë gjithashtu në reduktimin e emetimeve të gazeve serrë dhe mbetjeve ushqimore.