Kriza me karburantet, 1 në 3 gjermanë planifikon të lërë makinën në shtëpi

Më shumë se një e treta e shoferëve gjermanë thonë se planifikojnë ta lënë makinën në shtëpi, më shumë për shkak të rritjes së çmimeve, sipas një sondazhi të publikuar sot.

Kompania analitike britanike për vëzhgimin e tregut, YouGov zbuloi se 22,9% po e bënin tashmë këtë, ndërsa 12% të tjerë synonin të shkurtonin kohën e drejtimit të makinës.

Megjithatë, 44.8 për qind e shoferëve që morën pjesë në anketë në emër të platformës mobile.de thanë se nuk mund ta linin makinën e tyre sepse vareshin nga ajo. 

11.6 për qind të tjerë nuk duan ta lënë më shpesh makinën në shtëpi.

Paraja është motivimi më i fortë për të bërë pa makinë. 

Kur u pyetën se pse me shumë mundësi do ta linin makinën në shtëpi, 49 për qind thanë "për të kursyer para". 

Kjo u pasua nga mbrojtja e mjedisit me 16 për qind dhe "për të bërë më shumë ushtrime" me 14.9 për qind. 

Në anketë, gjithsej tre të katërtat e shoferëve deklaruan se ishin të varur nga makina e tyre - ndër të tjera për shkak të mungesës së transportit publik lokal, për punë ose për qëllime transporti. 

Rreth gjysma e shoferëve përdornin makinën e tyre të paktën pesë herë në javë.

Të dhënat bazohen në një sondazh online të institutit YouGov, në të cilin morën pjesë 1479 persona në datat 17-18 mars. 

Rezultatet u peshuan dhe janë përfaqësuese të popullsisë gjermane të moshës 18 vjeç e lart. 

Midis tyre ishin 1186 shoferë.

”Lufta në Ukrainë e ka çuar koston e karburantit në nivele rekord në Gjermani, me benzinën që kushton aktualisht mesatarisht 2,09 euro (2,30 dollarë) për litër dhe naftën 2,16 euro”, sipas shoqatës së shoferëve ADAC.

Drejtuesit më pak skrupulozë mund t’i drejtohen një taktike tjetër për të ulur kostot e karburantit, asaj të vjedhjes.

“Vjedhjet e karburantit janë rritur”, tha një zëdhënës i Shoqatës Federale të Transportit Rrugor, Logjistikës dhe Asgjësimit.

”Megjithatë, ne nuk njoftohemi për çdo rast sepse ato raportohen rrallë”, tha zëdhënësi.

Pyetje: A vareni nga përdorimi i makinës suaj/një makinë në jetën e përditshme dhe nëse po, pse?

Përgjigjet

-Po, sepse nuk ka pothuajse asnjë transport publik në vendbanimin tim.

-Po, sepse kam nevojë për automjetin për të bërë punën time.

-Po, sepse automjeti më duhet për qëllime transporti (p.sh. pazar, familjar, etj.).

-Po, sepse për shkak të kufizimeve (fizike), asnjë mjet tjetër transporti nuk është i mundur për mua.

-Jo, nuk varem prej saj. 

-Nuk e di / pa përgjigje

Pyetje: Sa shpesh e përdorni makinën në javë?

Përgjigjet

-Çdo ditë

-pesë deri në gjashtë herë në javë

-tre deri në katër herë në javë

-një ose dy herë në javë

-më pak se një herë në javë

-disa herë në muaj

-nuk e di/asnjë përgjigje