Guterres: Armëpushim i menjëhershëm në Gaza

Sekretari i përgjithshëm i OKB-së, Antonio Guterres, bëri thirrje për një armëpushim të menjëhershëm midis Izraelit dhe milicisë islamike palestineze Hamas, pasi kriza humanitare në Rripin e Gazës po arrinte “përmasa të tmerrshme”.

”Armëpushimi i fundit midis Izraelit dhe Iranit është një arsye për shpresë”, tha ai, por vuri në dukje se ”banorët e Gazës po vriten, ndërsa kërkojnë ushqim”.

“Kërkimi për ushqim nuk duhet të jetë kurrë një dënim me vdekje”, tha ai, duke iu referuar indirekt qendrave të shpërndarjes së ndihmës humanitare të operuara nga Fondacioni Humanitar i Gazës (GHF) i diskutueshëm në Gaza.

Sipas shifrave të OKB-së, të paktën 410 palestinezë janë vrarë pranë pikave të shpërndarjes së ushqimit të GHF që nga fundi i majit.

Operacionet që drejtojnë civilët në zonat e kontrolluara nga ushtria janë të pasigurta.

GHF është një fondacion i mbështetur nga Izraeli dhe Shtetet e Bashkuara.

Izraeli e prezantoi atë pas disa javësh bllokadë totale të Rripit të Gazës së rrethuar për të anashkaluar shpërndarjen e ndihmave nga OKB-ja dhe organizata të tjera, të cilat pretendon se Hamasi i vjedh dhe më pas i rishit.

Hamasi i mohon akuzat. Guterres përsëriti tre hapat e tij urgjentë: një armëpushim të menjëhershëm, lirimin pa kushte të të gjithë pengjeve dhe akses të plotë dhe të papenguar humanitar.