Gazetarja: Si tort*roheshin dhe grop*seshin të gjallë të burgosurit në regjimin e Assad në Siri

Prezantuesja kryesore botërore e lajmeve Yalda Hakim ndodhet në Damask, ku vizitoi burgun famëkeq Sednaya.

Sipas mediave të huaja, për vite me radhë, janë bërë pretendime për tortura dhe ekzekutime masive atje nga regjimi i Asadit.

Dhjetëra mijëra njerëz u mbajtën në atë që vendasit e quajtën "Thertorja e njerëzve". Aishja Kiki ka qenë në kërkim të djalit të saj që u vra në burg.

Ajo i tha Hakimit: "Pse djali im duhet të vdesë i torturuar në duart e tyre, pse? Ai vuajti shumë".

"Ai më thoshte se më mirë të vdisja sesa të torturohesha. Por ata e kapën dhe e torturuan deri në vdekje."

Erë e keqe e burgut ishte mbytëse, tha Hakimi, teksa hynte në një dhomë torture të papërshkueshme nga zëri, e pajisur me numra të etiketuara "gaz", "nxehtësi" dhe "ajër i ftohtë".

“Të arrestuarit, ata që u shprehën kundër regjimit, u torturuan, u goditën nga rryma, u sulmuan seksualisht dhe u varrosën të gjallë”, tha ajo.

Një "makinë dërrmuese" është përdorur për të vrarë njerëzit dhe për të asgjësuar trupat e tyre, shtoi Hakimi.

Judi Kiki, vëllai i së cilës u vra në burg, tha se nuk mund ta besonte pamjen e vendit ku ai vdiq.

"Ne nuk dinim asgjë për të," tha ajo.

“Nuk mund ta imagjinoj se çfarë ndjente në këtë vend, në këtë vend të mjerueshëm”, përfundoi ajo, shkruan A2 CNN.