Francë/ Vr*u komshien e tij ruse, arrestohet ukrainasi

Një 69-vjeçar ukrainas akuzohet për vrasje, pasi qëlloi me thikë dhe vrau fqinjën e tij franceze-ruse në Evrë, në veri të Francës, njoftoi sot, prokuroria lokale.

Prokurori i Evrës, Remi Kuten, shpjegoi në një konferencë për shtyp se një çift ukrainas dhe një shoqe e tyre u sulmuan nga fqinja francezo-ruse, e cila mbante një thikë me teh 20 cm, rreth orës 5 të mëngjesit të së martës.

Pensionisti ukrainas arriti të përmbyste thikën kundër fqinjes dhe e goditi tri herë.

Një nga plagët, në kofshë, rezultoi fatale.

“Mendojmë se viktima, gruaja që u qëllua me thikë dhe vdiq të martën në mëngjes, ishte ajo që shkoi të paktën dy herë atë natë për t’u sulmuar ndaj ukrainasve që jetonin në apartamentin sipër tij,” tha Kuten, duke shpjeguar pse 69-vjeçari nuk u arrestua.

Sipas prokurorisë, gruaja tregonte sjellje agresive dhe u drejtonte ‘kërcënime me vdekje’ fqinjëve ukrainas që kishin ardhur në Francë në mars 2022 për t’i shpëtuar luftës.

Ajo, e lindur në vitin 1967 në Kazakistanin e ish-Bashkimit Sovjetik, ishte vendosur në Francë në vitin 2004.

Dëshmitë e fqinjëve
Një fqinj tregoi se kaloi mbrëmjen duke pirë birra me të, derisa ajo vendosi “të rrite intensitetin e muzikës dhe të godasë tavani me shkopin e pastrueses për të shqetësuar fqinjët poshtë”. Më pas, shkoi në shtëpinë e tyre për një përplasje të parë.

Prokuroria zbuloi se ky fqinj kishte qenë i dënuar më parë pesë herë për dhunë. Tani ai akuzohet për sulm ndaj 69-vjeçarit ukrainas gjatë kësaj ‘takimi të parë’ tragjik.

Një banor i ndërtesës tha se kishte thirrur dy herë policinë, më 22 dhe 30 qershor, sepse viktima godiste me grushta derën e apartamentit të fqinjëve ukrainas.

Ish-bashkëshorti i franceze-ruses pretendoi se shkaku i konfliktit ishte lufta midis Rusisë dhe Ukrainës, pasi gruaja insiston që Rusia duhej ‘të mbronte veten, të dëbonte nazistët ukrainas dhe të luftonte NATO-n.’