FOTO+VIDEO/ Pamjet tronditëse nga Spanja: Ja si vdiqën tre hajdutët shqiptarë dhe një oficer policie pas përplasjes, makinat në flakë

Tre shqiptarë dhe një oficer policie humbën jetën në Malaga të Spanjës pas një aksidenti tragjik si në filma. Shqiptarët kishin tentuar të vidhnin një farmaci, kur policia u vu në ndjekje të tyre.

Sipas medieve spanjolle, shqiptarët ishin pjesë e një bande aktive që shënjestronte kryesisht farmacitë. Gjatë ndjekjes, ata u përplasën me mjetin e një oficeri që po kthehej nga turni i natës. Të katërt humbën jetën

RAPORTIMI I DIARO SUR

Alarmet filluan të bien rreth orës pesë pa një çerek të mëngjesit. Sulmi ndaj një farmacie në Puerto de la Torre, që përfundoi në tragjedi me vdekjen e një polici dhe tre të arratisurve, nuk rezultoi me ndonjë përfitim për hajdutët, të cilët hynë në biznes pasi kishin manipuluar sistemin e sigurisë, sipas asaj që ka mësuar gazeta SUR.

Sipas burimeve, autorët hynë brenda farmacisë, e cila ndodhet në rrugën Lope de Rueda, pa qenë nevoja të detyronin roletën.

Pasi u futën, u drejtuan drejt sirtarit të parave, që ndodhej pranë banakut, dhe tentuan ta shkëpusnin me goditje me vare.

Nuk ia dolën dot, pasi makina e parave ishte e ankoruar mirë në dysheme. Gjithçka që arritën të bënin ishte të linin disa shenja mbi të, si pasojë e goditjeve.

Më në fund, hoqën dorë nga tentativa dhe u larguan me një makinë me motor të fuqishëm. Që nga ai moment, filloi një ndjekje me shpejtësi të lartë, në të cilën morën pjesë efektivë të Policisë Kombëtare dhe Policisë Lokale.

Pas disa minutash, rreth orës 5:30 të mëngjesit, ndodhi aksidenti fatal në një dalje të autostradës A-7 drejt Torremolinosit.

Ekzistojnë disa versione për aksidentin, i cili ende është nën hetim nga Garda Civile e Qarkullimit Rrugor. Ajo që duket e qartë është se ndodhi një përplasje ballore mes dy makinave dhe, sipas të gjitha gjasave, automjeti me të cilin po largoheshin të arratisurit, po lëvizte në drejtim të kundërt.

Janë të shumta grabitjet ndaj farmacive që kanë ndodhur në Málaga që nga fillimi i vitit, çka është kthyer në një burim shqetësimi për Forcat dhe Organet e Sigurisë së Shtetit. Një nga më të fundit ndodhi në orët e para të mëngjesit të së shtunës së fundit të prillit, midis orës 4:55 dhe 5:00.

Kamerat e sigurisë së farmacisë që ndodhet në distriktin Puerto de la Torre kapën dy meshkuj me fytyrë të mbuluar, një vare dhe një sëpatë në dorë, duke thyer xhamin e lokalit për të hyrë brenda. Pasi hynë, dyshohet se prenë kabllot e sirtarëve ku ndodhej paraja në dorë dhe i morën me vete.

Rreth orës 5:30 të mëngjesit të së enjtes së kaluar, më 1 maj, u aktivizuan alarmet e një tjetër farmacie që ndodhet në distriktin Carretera de Cádiz. Në vendngjarje mbërriti një patrullë e Policisë Kombëtare, e cila konstatoi xhamin e vitrinës të thyer, një mur të lehtë prej pllakash gipsi (pladur) dhe një raft të dëmtuar.

m1jpg

m2jpg