Egjipti dënon su*met iraniane ndaj Jordanisë/ Kajro dhe Aman bëjnë thirrje për ulje të tensioneve në rajon

Ministrat e Jashtëm të Egjiptit dhe Jordanisë kanë diskutuar zhvillimet e fundit në Lindjen e Mesme dhe nevojën për rikthimin e sigurisë e stabilitetit në rajon.

Gjatë një bisede telefonike, ministri i Jashtëm egjiptian Badr Abdelatty dhe homologu i tij jordanez Ayman Safadi shkëmbyen pikëpamje mbi situatën e krijuar dhe masat që duhen ndërmarrë për të shmangur përshkallëzimin e mëtejshëm të tensioneve.

Abdelatty shprehu dënimin e Kajros për sulmet e fundit iraniane ndaj Jordanisë, duke konfirmuar solidaritetin e plotë të Egjiptit me Amanin dhe mbështetjen për masat që ndërmerr për mbrojtjen e sigurisë dhe sovranitetit të tij.

Sipas Ministrisë së Jashtme egjiptiane, dy zyrtarët diskutuan edhe përpjekjet ndërkombëtare për uljen e tensioneve, duke theksuar rëndësinë e ndalimit të veprimeve ushtarake që mund të zgjerojnë konfliktin në rajon.

Të dy ministrat nënvizuan gjithashtu se zgjidhjet diplomatike duhet të kenë përparësi, në mënyrë që të shmanget një përshkallëzim i mëtejshëm i krizave në Lindjen e Mesme.