Donte të surprizonte motrën me një festë ditëlindjeje pas humbjes së nënën, të huajt mbushin shtëpinë e tyre se nuk u shkoi njeri

Pasi humbi nënën e tyre nga kanceri i trurit në prill, një vajzë nga Tenesi donte ta bënte të veçantë ditëlindjen e motrës së saj më të vogël.

Por pasi vetëm një person iu përgjigj ftesave të tyre për festën, të huajt u futën për të treguar mbështetjen e tyre.

KETU LAJMET MINUTE PAS MINUTE

Chloe Sexton, 28, dhe Charlotte Sexton, 8, humbën nënën e tyre, Jennifer, më 12 prill, pasi luftoi me kancerin e trurit për 11 vjet, tha Chloe për CNN.

Chloe tani është kujdestarja ligjore e Charlotte.

"I dërgova ftesat herët dhe nuk mora asnjë përgjigje përveçse nga një person. Më mërziti që nuk mund t'i bëja ditëlindjen që doja," tha Chloe.

"Charlotte duhej të transferohej në një shkollë të re në mes të vitit shkollor pasi humbi nënën e saj. Shokët e saj të rinj të klasës dhe prindërit ishin në dijeni të vdekjes së nënës së saj," tha Chloe.

Chloe publikoi një video në TikTok për të shprehur zhgënjimet e saj.

Kjo video ka mbi 9 milionë shikime dhe më shumë se 30,000 komente që nga e shtuna.

Chloe tha se komentet e saj dhe kutia postare filluan të mbusheshin me mesazhe të njerëzve që ofronin për të ndihmuar në dekorimin, për të marrë pjesë në festë dhe për të pyetur se çfarë dhuratë të sillnin për Charlotte.

"Kjo ishte hera e parë që pashë njerëz të vënë në veprim pas ndjeshmërisë së tyre. Mbështetja masive më bëri të ndihem jo thjesht si një fytyrë në internet, por se kisha rëndësi dhe historia ime kishte rëndësi për njerëzit," tha ajo.

Më 9 korrik, Chloe surprizoi Charlotte me të ftuarit, tullumbace, dhurata dhe më shumë dashuri, falë ndihmës së të huajve.

Disa gra ndihmuan në dekorimin e shtëpisë dhe montimin e një këndi me tullumbace dhe një tjetër solli kalin e saj nga Oksfordi, Misisipi, për t'u dhënë fëmijëve shëtitje me poni në festë.

"Gjatë gjithë ditës njerëzit ndaluan, qoftë edhe vetëm për 30 minuta, nga të gjitha anët. Në një moment kishte rreth 20 fëmijë në shtëpi," tha Chloe.

Një grup i quajtur Mid South Jeeps organizoi një paradë me makinë për Charlotte gjithashtu. Rreth 25-30 xhipa kaluan pranë shtëpisë së tyre në Memphis, disa duke shpërndarë dhurata nga dritarja e tyre dhe të tjera muzikë të zhurmshme për ditëlindjen.

zjpg

ajpg

kjpg