Asnjë korridor humanitar për Mariupolin, banorët pa ujë dhe ushqim

Çdo mëngjes, për javë të tëra, Ukraina ka njoftuar se korridoret humanitare do të hapen në një numër qytetesh për të sjellë furnizimet e nevojshme dëshpërimisht dhe për të nxjerrë civilët e bllokuar nga luftimet.

Por në fund të çdo dite, është një histori armëpushimesh që prishen në disa vende të bllokuara nga bombardimet ruse.

Qyteti jugor i rrethuar i Mariupolit nuk përfshihet as në këtë listë - një vend ku granatimet nuk ndalojnë dhe banorët kanë mbetur pa ujë e ushqim.

Rusia ofroi një rrugëdalje këtë javë - por vetëm nëse qyteti dorëzohej.

Në disa pjesë të Ukrainës, duke përfshirë zonat rreth kryeqytetit Kiev, forcat ukrainase tani po rimarrin disa rajone.

Por Rusia është ende duke sulmuar në vijat e frontit, veçanërisht në jug, ku dëshiron të kapë një korridor tokësor midis Gadishullit të Krimesë dhe Ukrainës lindore, zona që kontrollohet nga ajo që nga viti 2014.