Ministri francez: Anëtarësimi në BE për Ukrainën do të zgjasë 15 ose 20 vjet

Përpjekja e Ukrainës për t'u bashkuar me Bashkimin Evropian do të kërkonte të paktën 15 ose 20 vjet" për t'u përfunduar, tha të dielën ministri i Çështjeve Evropiane të Francës, Clement Beaune.

Ai e tha këtë deklaratë teksa promovonte propozimin alternativ të Presidentit Emmanuel Macron për krijimin e një "bashkësie të re politike evropiane" duke përfshirë Ukrainën.

“Nëse themi se Ukraina do të anëtarësohet në Bashkimin Evropian për 6 muaj, një vit, dy vjet, ne gënjejmë. Nuk është e vërtetë,” i tha Beaune. “Ndoshta janë ndoshta 15 ose 20 vjet.” shtoi ai.

“Duhet shumë kohë dhe nuk dua që ne të shesim iluzione dhe gënjeshtra. Nëse u themi ukrainasve 'mirë se erdhët në Bashkimin Evropian, por ju nuk e keni lexuar plotësisht kontratën, fusnota thotë: hej do të jetë pas 15 vjetësh', atëherë mendoj se ne po krijojmë terrenin për zhgënjimin e një brezi të tërë ukrainas”, tha Beaune.

Ministri francez tha se propozimi i fundit i Macron për të krijuar një komunitet të ri politik evropian jashtë BE-së, përfshirë Ukrainën, nuk ishte "një alternativë" ndaj çdo anëtarësimi në BE për Ukrainën dhe nuk e pengon anëtarësimin e saj të ardhshëm në BE".

Presidenti ukrainas Volodymyr Zelensky tha në një fjalim të shtunën se çdo alternativë ndaj ofertës së Ukrainës për t'u anëtarësuar në Bashkimin Evropian do të ishte një "kompromis" me Rusinë, në përgjigje të projektit të propozuar nga Macron.