Afganistan: Parqet bëhen zona të ndaluara për gratë në Kabul, ndalohen edhe në pishina e palestra

Duket se grave tashmë do tu mohohet e drejta që të vizitojnë parqet në Kabul nga Talibanët në pushtet.

Gratë u ndaluan gjithashtu kohët e fundit nga pishinat dhe palestrat në kryeqytet. Pritet që rregullat të shtrihen në të gjithë vendin.

Ndërsa talibanët kufizojnë më tej atë që mund të bëjnë, gratë dhe vajzat afgane kanë frikë se çfarë mund të vijë më pas.

Disa thonë se këto lëvizje nuk prekin pjesën më të madhe të vendit, sepse për shumicën e njerëzve një mbrëmje jashtë është një luks që ata nuk mund ta përballojnë.

Për shumë vajza afgane, megjithatë, nuk ka të bëjë me shkallën e ndikimit, por me simbolikën e lëvizjes - dhe atë që zbulon për qëllimin e talibanëve që kur ata morën pushtetin në gusht 2021.

"Çdo ditë, si vajza në Afganistan, ne zgjohemi me kufizime të reja. Është sikur jemi ulur dhe presim për tjetrin," thotë një studente.

"Isha me fat që mbarova shkollën e mesme para se të vinin talibanët. Por tani kam frikë se universitetet mund të mbyllen edhe për gratë. Ëndrrat e mia do të mbarojnë."