Volej femra/ Erlind Pëllumbi: Shqipëria gati për të pritur Kampionatin Europian U-19

Shqipëria është duke bërë përgatitjet e fundit për të mirëpritur një pjesë të mirë të yjeve në rritje të Volejbollit në Evropë, pasi vendi ynë do të pres nga data 1 deri më 9 shtator finalet e Kampionatit Europian U-19 për femra.

Ky është një lajm shumë i mirë për volejbollin shqiptar dhe veçanërisht për Federatën Shqiptare të Volejbollit që gjatë viteve të fundit po përmirësohet ndjeshëm.

"Tirana do të jetë kryeqyteti i Volejbollit Evropian për dhjetë ditë dhe ky është një nder. Falënderoj Federatën Europiane të Volejbollit për besimin që kanë treguar te ne, ndërsa ne i mirëpresim të gjitha ekipet pjesëmarrëse dhe ne i dëshirojmë atyre më të mirën",-tha Erlind Pëllumbi, kryetari i Federatës së Volejbollit shqiptar

"Unë mendoj se kemi bërë një punë të mirë këto javë dhe pothuajse çdo gjë është e gatshme," vazhdoi ai. "Ne duam të justifikojmë besimin që CEV ka treguar në ne. Kjo ngjarje nuk ka qenë një detyrë e lehtë pasi ne jemi një vend i vogël dhe pa mbështetje të madhe financiare. Megjithatë, dashuria për volejbollin na ka dhënë nxitjen për të bërë më së shumti edhe ngjarjen evropiane ".

Shqipëria do të konkurrojë me një ekip të ri që synon të japë një performancë të mirë në skenën evropiane.

"Për të organizuar këtë ngjarje për shumë mënyra, por ne besojmë se do të kemi sukses. Sa për ekipin tonë kombëtar, ne do të kemi një grup të vajzave të reja që shumë shpejt do të jenë pjesë e ekipit kombëtar, kështu që për ta kjo ngjarje është një mundësi e mirë për të treguar talentin dhe aftësitë e tyre ",-përfundoi Pëllumbi.