Ndahet nga jeta themeluesi i markës së famshme të kozmetikës, mister shkaku i i vdekjes

Themeluesi i markës së kozmetikës Deciem ka vdekur, tha kompania në një deklaratë të hënën.

Brandon Truaxe u nda nga jeta në moshën 40-vjeçare. Ai krijoi kompaninë e famshme të kujdesit për lëkurën The Ordinary.

Ai njihej për risitë e tij në industrinë e bukurisë.

Vdekja e tij erdhi pak kohë pasi Brandon  hoqi dorë nga roli i tij në kompani, pas disa muajsh sjellje të çrregullt në internet.

Deciem u themelua në Toronto, Kanada në 2013 dhe që atëherë është zgjeruar në të gjithë globin.

"Nuk mund ta imagjinojmë dot botën pa ty. Të premtojmë se do kujdesemi për njëri-tjetrin dhe do punojmë shumë për të vazhduar misionin tuaj,"-shkruajti kompania.

Truaxe u tërhoq nga kompania në tetor.

Ai mori përsipër llogaritë e mediave sociale të kompanisë në fillimin të vitit të kaluar dhe filloi të postoi mesazhe personale, nganjëherë shqetësuese dhe të çuditshme. Kjo bëri që përdoruesit e markës të shqetësoheshin në lidhje me shëndetin e tij.

Gjithashtu përdori platformën sociale për të ndarë publikisht lidhjet me bashkëpunëtorët dhe mbylli përkohësisht dyqanet e kompanisë.

Investitori Estee Lauder, i cili kishte blerë disa aksione në vitin 2017 në kompani, më në fund kërkoi heqjen e Truaxe nga roli i tij në Deciem.

Në një deklaratë, kompania Estee Lauder e quajti Truaxe "një gjeni të vërtetë" dhe e konsideroi vdekjen e tij "një humbje të thellë".

"Si vizionar pas Deciem, ai ndikoi pozitivisht  tek miliona njerëz në mbarë botën me kreativitetin dhe inovacionin e tij,"-thuhet në deklaratë.

Brandon, our founder and friend. You touched our hearts, inspired our minds and made us believe that anything is possible. Thank you for every laugh, every learning and every moment of your genius. Whilst we can’t imagine a world without you, we promise to take care of each other and will work hard to continue your vision. May you finally be at peace. Love, (forever) your DECIEM ❤

A post shared by  THE ABNORMAL BEAUTY COMPANY (@deciem) on Jan 21, 2019 at 12:44pm PST