Autoritetet italiane kanë sekuestruar  në portin Gioia Tauro në Reggio Calabria  61 kg kokainë e cilësisë mjaft të pastër.

Kokaina u gjet në një kontenier, që transportonte mish të ngrirë nga Brazili e fshehur në dy çanta të mëdha.

Sipas antidrogës italiane pas përpunimit e dorëzimit,  kjo sasi droge do të sillte për organizatat kriminale një përfitim deri në 12 milionë euro.

Kontenier me drogë u identifikua falë analizës së riskut të autoriteteve financiare si dhe të skanerëve të sofistikuar në dispozicion të agjencisë doganore italiane.

Kontenieri me drogë po tranzitonte në portin kalabrez me destinacion final në juglindje të Azisë.

/Ora News.tv/