Degradon ura e Derviçianit, banorët japin alarmin: Dy fshatra rrezikojnë izolimin

Ura 200 vjeçare Monument Kulture e Derviçanit po degradon vit pas viti, duke shkuar drejt rrënimit. Alarmin e japin banorët e dy fshatrave që rrezikojnë të izolohen nga dëmtimi i saj. Në bashkinë Dropull thonë se ka një projekt për ndërhyrje, por fondet nuk janë lëvruar kurrë.

Ura e gurtë 200 vjeçare lidh Derviçanin me fshatin Bulo është drejt shembjes.

Alarmin e për rrënimin  e japin banorët e zonës, të cilët disa vite më parë më nismë dhe fonde private ndërhynë aty për mirëmbajtjen e Monumentit të Kulturës.

Krahas demtimit te vlerave arkitektonike, shembja e saj do te izolonte banorët e Bulos dhe Derviçanit, te cilet mbahen me prodhimet bujqesore dhe blegtori.

Banorët apelojnë për ndihmë, pasi gjatë dimrit vërshimi i lumit e bën të pakalueshme dhe të rrezikshme kalimin në të.

Në hyrje të urës  mungojnë edhe mbajtëset metalike, ndërsa dëmtimin kryesor ura e ka marrë në këmbët mbajtëse.

Disa vite më parë, sërish me inicativën e tyre, banorët e Derviçanit kanë hartuar një projekt por pa gjetur mbështetje për financim.

Edhe në Bashkinë Dropull thonë se projekti është gati, por fondi për këtë Monument Kulture nuk është çelur asnjeherë.