BOOM: 10 vjet e sëmurë por spitali shteteror s'i gjen dot diagnozën

Emisioni BOOM ka sjellë rastin e një vajze të re 32 vjeçe, e cila prej 10 vitesh vuan nga një sëmundje e rrallë, Fibromialgjia.

Denada Xhafa trokiti në redaksionë e emisionit BOOM për të denoncuar rastin e saj. Asaj i është dashur shumë kohë për të diagnostikuar këtë sëmundje dhe prej 6 vite ajo mjekohet për këtë sëmundje.

Për BOOM 32-vjeçarja thotë se sëmundjen e saj e ka diagnostikuar në spitalet private, pasi në shtet është e pamundur zbulimi i kësaj diagnoze.

Mjekët thotë se Fibromialgjia është një sëmundje e cila shkakton dhimbje dhe lodhje të muskujve.Ata thonë së kjo sëmundje prek 2 % të popullsisë dhe kryesisht femrat, por me simptomat që ka është shumë e vështirë për tu diagnostikuar. 

Njerëzit me fibromialgji kanë “pika të ndjeshme” në organizëm. Pikat e ndjeshme janë vende specifike në qafë, kraharor, shpinë, vithe, krahë ose këmbë. Këto pika shkaktojnë dhimbje kur në to bëhet presion.

Denoncimi në BOOM

Gazetarja: Denada më the që vuan nga një sëmundje e rrallë. Dua të di cila është kjo sëmundje dhe prej sa kohësh je diagnostikuar?

Denada Xhafa: Jam diagnostikuar me Fibromialgjia përpara 6 vitesh në klinikat private, në Tiranë kjo sepse në shtet nuk diagnistikohesha dot. Qysh atëhere unë kam rendur drejt institucioneve shtetërore me këto kartela. Këta të fundit më thonë që ti ke shumë të drejtë, por ligji nuk i njeh këto kartela sepse duhen lëshuar nga një institucion shtetëror. Ishte kjo sëmundje që mua më shkëputi nga puna më prishi cilësinë e jetës dhe më çoi në izolim social.

Gazetarja: Mund të na thuash pak kush janë simptomat e kësaj sëmundje?

Denada Xhafa: Janë dhimbjet muskulore pothuajse në të gjithë trupin, nga koka tek gishtrinjtë e këmbvës, dhimbje të organeve të brendshme, ftohje të gjymtyrëve periferike dhe marrje mendsh në mënyrë permanente. Simptomë tjetër karakteristike është edhe zhurma në vesh me natyre tringëllime ose si zhurma e valëve të detit. Unë kam 6 vite që jam diagnostikuar po simpoma më ka filluar edhe 4 vite më parë, por që mjekët nuk më diagnostikonin dot. I jam nënshtruar shumë ekzaminimeve trajtimeve laboratorike dhe konsultave mjekësore, por mjekët nuk bënin dot gjë dhe unë iu drejtova spitaleve private. Unë në mënyrë të vazhdueshme kam qenë në marrëdhënie pune, kam ndjekur edhe shkollën, por sëmundja më shkëputi.

Gazetarja: Sa lekë shpenzon cdo muaj për të marrë mjekimet.

Denada Xhafa: Unë e kam të nevojshme që cdo muaj të paguaj 10 mijë lekë të reja ilace, përveç fizioterapistit dhe ushqimeve dietore.

Prof.Dr. Argjend Tafaj Reumatolog: Është një sëmundje që prek 2% të popullsisë. Më e shpeshtë në seksin femër. Për shfaqjen që ka dhe për mënyrën si fillon sëmundja është e vështirë për tu diagnostikuar, çka e vë mjekun në situatë të vështirë. Sëmundja me fillimet e saj vështirëson diagonzën sepse shfaqet si shumë patologji të tjera. Por ajo që i vë vulën dhe që bën të mendosh të kemi këtë sëmundje është një dhumbje e zgjatur që nuk qetësohet nga barna. Nuk ka studime të miëfillta në vendin tonë për të përcaktuar prevalencën e kësaj patologjie. Të gjithë të sëmurët kanë ekzaminime normale, sic është gjaku periferik që përjashtojnë mundësinë e shfaqjes së një sëmundje tjetër dhe bën të mendojmë që është Fibromialgjia. Në Amerikë përllogariten rreth 5 mijë dollarë një i sëmurë që i kushton shtetit.

Arjana Reli, psikiatre: Fibromialgjia është një formë e mesme midis gjendjeve të ngarkuara e motive që shfaqen me problematike fizike dhe si klinikë i ngjan sëmundjeve reumatizmale. Ky problem haset më tepër tek personat që janë më të ndjeshëm. Është dhimbje e motive e përkthyer në gjendje fizike. Pra një ngacmim me motiv madhor, një traum, një humbje, konflikt, debat sistemi nervor e kthen në dhimbje fizike. Sic janë dhimbje të kokës, të artikulacioneve, lodhje kronike.

Institucioni i Avokati i Popullit

Gazetarja: Denada ju sot poi  drejtoheni Avokatit të Popullit , pse?

Denada Xhafa: Sepse dua që kjo diagnozë dua që të përfshihet në listën e sëmundjeve të kritereve mjekësore, edhe të marrë fund ky ngërc i madh më shumë se gjysmë degade.

Gazetarja: Çfarë kërkon më konkretisht nga AP?

Denada Xhafa: Ajo që unë dua nga AP është që të vërë në lëvizje të gjithë strukturat përkatëse, të ngrenë grupet e punës, ta shqyrtojnë rastin tim, rastin e kësaj kategorie njerëzish dhe ne të marrim zgjidhje.

Jam besimplotë se AP di ti japë fund kësaj situate do vërë në lëvizje të gjitha institucionet përgjegjëse dhe ne si pacientë do të trajtohemi si të gjithë kolegët tanë në BE, me dinjitet dhe do njihemi në librin e sëmundjeve të kritereve mjekësore edhe nuk do të jetë më një sëmundje e panjohur.

/Oranews.tv/