Biznesi amerikan ankohet, Uruçi: Inspektorët anashkalojnë procedurat

Biznesi amerikan ankohet, Uruçi: Inspektorët anashkalojnë

Procedurat doganore mbesin një shqetësim për investitorët e huaj në Shqipëri. Në takimin e posaçëm të zhvilluar me drejtoren e përgjithshme Belinda Ikonomi sipërmarrësit amerikanë kërkuan marrjen e masave për të zgjidhur problematikat, e sidomos kjo për mallrat e referencës dhe ndryshimin e çmimeve pa dhënë informacion.

Alketa Uruçi: Në praktikë ne kemi parë edhe këtë vit raste kur inspektorë të doganave anashkalojnë të gjitha vlerësimet dhe shkojnë direkt tek çmimi referencë.

Drejtorja e Përgjithshme Doganës u shpreh se ka pasur një përmirësim të situatës, ndërsa premtoi se do të merren masa.

Belinda Ikonomi: Në 5.49% kemi rivlerësime me çmime të tjera referuese nga ana e administratës doganore për artikujt. Ne e vlerësojmë shqetësimin tuaj lidhur me përditësimin e çmimeve referuese, të cilat janë të vendosura për një kohë të gjatë. 

Sfidë e administratës doganore sipas kreut të doganave mbetet implementimi i një Dogane pa letër, për procedura dhe vendime transparente dhe në një kohë sa më të shkurtër.

EMISIONET