100 vjetori, ASH botim me aktet zyrtare administratës së Ismail Qemalit
Nga OraNews Përditësimi i fundit 5 Nëntor 2012, 18:18
Aktet zyrtare të Administratës se Ismail Qemalit do të jenë për herë të parë në dispozicion të lexuesit në një botim special për 100 vjetorin e pavarësisë.Në një Intervistë për Ora News, Drejtoreshë e arkivave shqiptare Nevila Nika thotë se ky botim është drejt përfundimit dhe brënda këtij muaji do të përfundojë koleksioni i plotë me rreth një mijë dokumente të qeverisë së Ismail Qemalit me të gjitha dokumentet e ruajtura dhe të shqipëruara me kujdes nga njohësit më të mirë shqiptarë të turqishtes së vjetër.Sipas drejtoreshës, Nika si pasojë e trazirave të shumta politike dhe ushtarake, mendohet se janë zhdukur një pjesë e madhe e dokumenteve të Qeverisë së parë të Shqipërisë, ku problem ende mbetet mosgjetja e aktit origjinal të pavarësisë, megjithëse edhe ai do të përfshihet në këtë botim, falë një fotografie të origjinalit, të gjetur në fototekën Marubi.
