Gara me kuaj buzë detit, adhuruesit e hipizimit nga Shqipëria e Kosova bashkë në Darëzezë
Nga Inelda Vallja Përditësimi i fundit 23 Maj 2021, 15:24
Plazhi i Darëzezës në Fier u shndërrua këtë të dielë në një pistë të garave me kuaj. Adhurues të hipizmit nga Shqipëria e Kosova u bënë bashkë në një aktivitet që promovon jo vetëm sportin, por edhe potencialet turistike.
Adhuruesit e hipizmit u mblodhën në Darzezë.Plazhi u kthye në një pistë gjigande garash me kuaj buzë detit.
17 sportistë nga Kosova e Shqipëria me kuajt e tyre u bënë pjesë e garave të shpejtësisë dhe rezistencës.
Triumfator doli Eduard Cinga, me kalin Step Soster.
Ky ishte viti i dytë garave me kuaj në bregdetin e Darzezës, organizim që synohet të kthehet në një traditë të mirë, ndërsa sporti i hipizmit gjithmonë e më shumë po gjen përhapje në Shqipëri.
Të shumtë ishin edhe qytetarët që kishin zgjedhur të kalonin një ditë ndryshe në plazhin e Darzezës.
Sezoni turistik në Darzëzë nis zyrtarrisht më 29 Maj, ndërsa qytetarët kërkojnë nga bashkia e Fierit më shumë angazhim për mirëmbajtjen e një prej plazheve historike ku kanë pushuar jo vetëm banorët e Myzeqesë.
