Mësim me helmetë në kokë, të sfidosh frikën për të marrë dije në shkollë
Nga OraNews Përditësimi i fundit 10 Shkurt 2013, 21:38
Më shumë se 200 nxënës të fshatit Kallm, zhvillojnë mësim në kushte të vështira.Shkolla “Hiqmet Buzi”, prej më shumë se 20 vitesh, nuk ka parë asnjë investim. Jeta e nxënësve dhe personelit mësimor, rrezikohet për shkak të amortizimit. Nxënësit shprehen se në këto ditë dimri, zhvillojnë mësim me frikë pasi tavani i shkollës mund të bjerë nga momenti në moment. Përveç kabineteve, kësaj shkolle i mungon edhe palestra, duke sjellë kështu mos zhvillimin e kësaj ore në shumicën e rasteve.Këshilli i prindërve, here pas here e ka ngritur këtë problem, por ende nuk ka marre zgjidhje. Gjithashtu, përveç infrastrukturës në këtë shkollë mungon totalisht sistemi i ngrohjes.
