PD-Ramës: Sqaro publikun për pallatin 5 katësh të Linda Bashës
Nga OraNews Përditësimi i fundit 11 Janar 2013, 17:27
Partia Demokratike i ka kërkuar sërish kryesocialistit Edi Rama të bëjë transparencën para publikut të historikut të ndërtimit të një pallati në pronësi të bashkëshortes së tij. Në një konferencë për mediat, zëdhënësja e PD-së Silvi Bardhi përmes një sëri pyetjesh në drejtim të zotit. Rama kërkoi një përgjigje sa më të shpejtë, ndërsa mendohet lidhur me marrësin apo dhënësin e kredisë 100 milionëshe.“Prej mëse dy javë kryetari i Partisë Socialiste nuk përgjigjet për origjinën e 100 milionë lekëve të të shoqes Linda Basha të marra apo të dhëna kredi pa interes nga zonja Basha, por sipas deklaratës së saj në Inspektoriatin e Lartë të Deklarimit dhe Kontrollit të Pasurive, pa lëvizje në llogaritë bankare, jetime për sa i përket partnerit tjetër pa interes.Por, le t’i lëmë kohë z. Rama për të gatuar marrësin apo dhënësin e kredisë pa interes të bashkëshortes së tij.Ndërkohë ne po i japim mundësi z.Rama të sqarojë publikun për pallatin 5 katësh dhe një kat nën tokë me rreth 900m katrorë sipërfaqe ndërtimi në rrugën “Qemal Guranjaku”, ndërtim i përfunduar në vitin 2010 pronë e familjes së bashkëshortes së z. Rama, Linda Basha.Partia Demokratike kërkon nga ju të sqaroni shqiptarët çështjet që vijojnë:1- Cili është historiku i vërtetë i këtij pallati?2- A keni qenë në konflikt interesi kur ju keni firmosur si kryetar bashkie lejen e ndërtimit të këtij pallati?3- Sa leje ndërtimi keni lëshuar për ndërtimin e këtij pallati?4- A janë respektuar kushtet ligjore urbanistike në sheshin e lejes së ndërtimit dhe ndërtimin e këtij pallati?5- Cilët janë investitorët dhe pronarët e këtij pallati?6- A ka histori paje në këtë pallat dhe në rast se po, sa është pjesa që ju dhe bashkëshortja juaj keni marrë si pajë?7 - A ka lidhje ky pallat me qindra milionë lekë që lëvizin kesh në formë huaje pa interes nëpër duart tuaja dhe të bashkëshortes tënde?Urojme z.Rama që të përgjigjesh më shpejt për këto pyetje sesa për anonimin marrës apo dhënës të kredisë pa interes të gruas suaj Lindita Basha!Mesa duket, keni harruar të dy se cili është?” tha ajo.
