Lista parazgjedhore, ankesa për paqartësi në regjistrin kombëtar
Nga OraNews Përditësimi i fundit 11 Janar 2013, 16:26
Paqartësitë në regjistrin kombëtar të gjendjes civile kanë bërë që disa njësi vendore të mos publikojne ekstraktin paraprak të listave të zgjedhjeve të 23 qershorit.Kryetarja e njësisë bashkiake numër 5 në Tiranë, Jeta Seitaj, thotë se në këtë regjistër rezultojnë familjarë me të njëjtin mbiemër në qendra të ndryshme votimi, ndërsa tha se për këtë shqetësim u është drejtuar institucioneve përgjegjëse.Por për kreun e njësisë bashkiake numër 3, Ilir Kokona, nuk ka ekzistuar një fenomen i tillë pasi ky ekstrakt është publikuar dhe qytetarët mund të mësojne se në cilën qendër votimi do të shkojnë me 23 qershor.Me datën 3 janar Drejtoria e Përgjithshme e gjendjes civile, në përputhje me ligjin zgjedhor, ka publikuar online ekstarktin e listës së zgjedhësve, duke u kërkuar drejtuesve vendor që ti publikojnë pranë njësive të tyre. Drejtori, Armand Teliti, tha se megjithate 111 njësi ende nuk e kanë kryer këtë detyrë ligjore.
