Vdekja e 11-vjeçarit, famijarët: Të zbardhet e vërteta, hetim deri në fund
Nga OraNews Përditësimi i fundit 11 Janar 2013, 12:46
Kur kanë kaluar rreth 2 muaj nga vdekja e Denis Almadhit, 11- vjeçarit që humbi jetën pas një ndërhyrje kirurgjikale në QSUT familjarët e tij kanë takuar kryeprokurorin Adriatik Llalla.Gjatë takimit në prokurori ata kanë kërkuar hetim në themel të çështjes. Daja i Denisit, Maliq Hasmuça kërkoi zbardhjen e së vërtetaës,e cila prej 65 ditësh mundon familjen Almadhi.“Kryeprokurori u tregua i gatshëm, duke na pritur që në ditët e para të punës së tij në detyrë. Ne nuk kemi asnjë informacion rreth hetimit dhe duke ia shtruar këtë problem prokurorit na premtoi se gjithçkaje do t’i shkohet deri në fund sipas ligjit”- tha daja i Denisit.Familjarët e 11-vjeçarit vazhdojnë ti qëndrojnë idesë se gjatë operacionit nga ana e mjekëve ka patur neglizhence,por zgjidhjen e çështjes ata ia lënë në dorë akuzës shqiptare.
Vogëlushi Denis Alimadhi gjeti vdekjen me datën 7 nëntor të vitit të kaluar në një nga sallat e operacionit të spitalit të ORL-së, në QSUT. Ai po i nënshtrohej një ndërhyrjeje kirurgjikale në sy, për shkak të një problemi të lindur që kishte me qepallat por ndërroi jetë si pasojë e komplikacioneve.
Mjekët deklaruan se vdekja e 11-vjeçarit ka ndodhur për shkak të një komplikacioni të lindur, i njohur si hipertermi malinje, një sëmundje kjo tepër e rrallë dhe që shfaqet në momentin që pacienti i nënshtrohet anestezisë. Nga ana tjetër, familjarët e 11-vjeçarit kanë akuzuar mjekët për neglizhencë.
