Dhuna në shkolla, ankesa nga mijëra prindër: Probleme me fëmijët
Nga OraNews Përditësimi i fundit 12 Dhjetor 2012, 16:55
450 000 prindër kanë ngritur zërin kundër dhunës fizike dhe psikologjike që ushtrohet ndaj nxënësve në shkolla. Ata kanë firmosur një peticion, të hartuar nga UNICEF dhe Ministria e Arsimit, ku përcaktohen rregulla të reja të disiplinës në mësimdhënie.Peticioni i shpërndarë në të gjitha drejtoritë rajonale arsimore ka nxjerrë në pah një sërë problemesh që u shkaktohen nxënësve si pasojë e dhunës fizike dhe psikologjike, që variojnë që nga braktisja e shkollës dhe deri tek humbja e përqedrimit.Megjithatë gjetjet tregojnë se ka një rritje të dhunës psikologjike në raport me atë fizike. Projekti gjithashtu synon edhe përfshirjen më të madhe të prindërve në edukimin e fëmijëve dhe bashkëpunim më të ngushtë me mësuesit."Buzëqesh, bëj Durim, më Mëso" plani kombëtar 4 vjecar i Ministrisë se Arsimit, ka filluar të implementohet në sistemin arsimor parauniversitar me qëllim çrrënjosjen e dhunës në shoqërinë shqiptare.
