Vidic zyrtarisht te Interi
Nga OraNews Përditësimi i fundit 27 Shkurt 2014, 17:40
Interi po punon që tani për merkaton e verës duke arritur të nënshkruaj zyrtarisht me Nemanja Vidiç. Mbrojtësi serb ka nënshkruar një kontratë 3-vjeçare, në bazë të së cilës do të përfitojë 2.8 milionë euro në sezon, shumë që mund të shkojë deri 3.3 milionë bashkë me bonuset. Drejtori Teknik, Piero Ausilio ka fluturuar drejt Londrës për të mbyllur një marrëveshje të cilën presidenti Erick Thohir e kishte përkufizuar 90% të kryer.Kishin mbetur për t'u diskutuar vetëm disa detaje të vogla, si dhe të drejtat e imazhit, por tashmë nuk ka më asnjë dyshim, gjigandi serb, kontrata e të cilit me Manchester United skadon në përfundim të kampionatit, nga sezoni i ardhshëm do të veshë fanellën zikaltër.Por udhëtimi i Ausilios në Angli kishte qëllim të dyfishtë, pasi përveç se me Vidic ai është interesuar edhe për mbrojtësit e Arsenalit, Bacary Sagna. Edhe 31-vjeçari me prindër senegalezë në fund të sezonit do të jetë lojtar i lirë, kështu Interi kërkon të përfitojë nga ky fakt, për ta përforcuar grupin me një lojtar me eksperiencë ndërkombëtare. Ai do të ishte një zgjidhje e mirë duke parë që Nagatomo nuk po zhvillon një sezon aspak të mirë. Objektiv tjetër nga Angli është edhe zviceriani Shar i shumë kërkuar nga shumë skuadra të mëdha.
