Berisha: Posta shqiptare me shërbim modern
Nga OraNews Përditësimi i fundit 5 Dhjetor 2012, 14:14
Postierët nuk do të kenë më me vete blloqe, dosje dhe stilolapsa gjatë dorëzimit të porosive por në vend të tyre do të mbajnë një aparaturë.Në këtë aparat i cili funksion si rrjet, jepen detajet e porosisë dhe pasi marrësi firmos në ekranin qëndror të postës në Tiranë del firma e dorëzimit dhe marrësit. Shembujt e parë u demostruan dhe autoritet e postës e quajtën një sukses të plotë infromatizimin e shërbimit postar.Kryeministri Berisha tha se postierët e parë, 100 vjet më parë sakrifikuan edhe jetën e tyre ndërsa sot ky shërbim bëhet në kushtet më moderne.“Dua të theksoj këtu se në këtë 100 vjetor ju, punonjësit e Postës Shqiptare dhe drejtuesit e saj, vini krenarë për standardet më të larta të shërbimeve që keni vendosur. Këto standarde janë vepër e juaja, e drejtuesve tuaj, e vizionit të tyre, realisht, këto pak vitet e fundit. Shërbimi postar është një shërbim themelor në një shtet, është një detyrim madhor i ofrimit të tij për qytetarët. Në Shqipëri ky shërbim përballohet nga sektori publik, sikundër ne jemi të hapur dhe ekziston edhe sektori privat. Gjykoj se përpjekjet e jashtëzakonshme që u bënë këto 5 - 6 vite nxorën sektorin publik, ashtu sikundër edhe duhet të jetë, lider në shërbimin postar të vendit. Sot Posta Shqiptare i ofron këto shërbime në standardet më të larta, më të sigurtat që ekzistojnë në Evropë apo në botë” tha Berisha.Ekspertët e postës thonë se nëpërmjet dixhitalizimit, postierët orientohen edhe hartat elektronike dhe marzhi i gabimit të rrugëve është i ulët. Në vend janë 555 zyra të shërbimit postar dhe shumë shpejt priten të inagurohen edhe 700 zyrat të shërbimit postar të cilat ofrojnë dhe internet.
