Reali synon në verë Runin
Nga OraNews Përditësimi i fundit 22 Janar 2014, 11:55
Wayne Rooney këtë verë me shumë mundësi mund të largohet nga Manchester United, pasi gjigandët spanjoll të Real Madridit janë duke menduar të bëjnë një ofertë për anglezin e pakënaqur.Rooney, të cilit i kanë mbetur edhe 18 muaj në kontratën e tij në “Old Trafford”, e di se nuk do të ketë mundësi që United ta shesë atë në njërën nga klubet rivale. Megjithatë Reali e ka vënë në listën e qendërsulmuesve që i dëshiron për ti transferuar gjatë verës, prapa Sergio Agueros dhe kolumbianit Radamel Falcao, ka shkruar gazeta britanike "Daily Mail".City besohet se nuk do të lejojë largimin e Agueros ndërsa Rooney do të ishte një opsion më i lirë për madrilenët, të cilët janë të mahnitur me formën e anglezit këtë sezon dhe me faktin se ai mund të luajë si qendërsulmues apo prapa sulmuesve. United do rezistojë gjithë tentativave të Realit për transferim dhe do të ishte i lumtur që ta lejonte Rooneyn t`i skadonte kontrata pastaj të largohej si lojtar i lirë në verën e vitit 2015.Gjithsesi në rast se do të kryhet ndonjë transferim i madh si Juan Mata dhe në verë dhe Diego Kosta apo Cavani me siguri që do të jetë e nevojshme edhe shitja e tij, ku Reali do të ishte opsioni më i mirë. Një tjetër alternativë është edhe PSG e cila mund ta përdor në shkëmbim me Cavanin.
